بدھ کے روز شمالی کشمیر کے ضلع کپواڑہ کے ٹنگڈھار سیکٹر میں برفانی تودہ گرنے سے آرمی کا ایک جوان ہلاک اور دو زخمی ہوگئے۔
سرکاری ذرائع کے مطابق لائن آف کنٹرول کے ساتھ واقع ٹنگڈھار سیکٹر میں فارورڈ ایریا پر آج صبح 7 آر آر کی آرمی یونٹ برفانی تودے کی زد میں آگئی۔
عہدیداروں نے بتایا 'تین فوجی برفانی تودے کے نیچے آگئے۔ تاہم، جوانوں کی کوششوں کے بعد سب کو نکال لیا گیا اور انہیں علاج کے لئے قریبی اسپتال منتقل کیا گیا۔ لیکن بدقسمتی سے ایک فوجی زخموں کی تاب نہ لاتے ہوئے چل بسا۔'
اہلکاروں نے ہلاک ہوئے فوجی کی شناخت نکھل شرما کے طور کی ہے۔
دو دیگر فوجی رمیش چند اور گورندر سنگھ کی حالت مستحکم بتائی جارہی ہے اور انہیں اسپتال میں داخل کیا گیا ہے۔
