پرانی روایت کو زندہ کرنے کے مقصد سے بھارت اور پاکستان کی افواج نے عید الاضحیٰ کے موقع پر شمالی کشمیر کے ضلع کپوارہ میں ٹیٹوال کراسنگ پل پر ایک دوسری کو مٹھائی تقسیم کی۔ دونوں نے ایک دوسرے کو عید کی مبارکباد بھی پیش کی۔
ایک اہلکار نے بتایا کہ 'عید الاضحیٰ کے موقع پر بھارت-پاک فوجیوں نے پولیس اور بھارتی فوجیوں نے ٹیٹوال میں آج دوپہر ایک دوسرے سے ملے اور آپس میں مٹھائی تقسیم کیں'۔
انہوں نے بتایا کہ دونوں ہی جانب سے مٹھائی کے تبادلے کے دوران ضروری کووڈ-19 پروٹوکول پر عمل کیا گیا۔ دریں اثنا ایک ترجمان نے ایک بیان میں کہا ہے کہ 'عید الضحیٰ کے موقع پر اور تہوار کے حقیقی جذبے میں امن، ہم آہنگی اور ہمدردی کو فروغ دینے کے اشارے کے طور پر ہندوستان اور پاکستان کی افواج نے ایک جھنڈا اجلاس منعقد کیا'۔
یہ بھی پڑھیں: بی ایس ایف، پاک رینجرز نے 2019 کے بعد پہلی بار عیدالاضحیٰ پر مٹھائی کا تبادلہ کیا
یاد رہے کہ عیدالفطر کے موقع پر بھی دونوں فوجیوں نے کپواڑہ کے ٹیٹوال پل پر مٹھائی کا تبادلہ کیا تھا۔
