دیوالی کے موقع پر بھارت۔پاک افواج میں مٹھائی کا تبادلہ

کپوارہ کے ٹیٹوال سیکٹرایل او سی پر بھارت۔ پاکستان افواج نے دیوالی کے موقع پر ایک دوسرے کے ساتھ مٹھائیوں کا تبادلہ کیا اور مبارکبادی پیش کی۔

بھارت اور پاکستان کی افواج نے جمعرات کے روز شمالی کشمیر کے کپواڑہ ضلع کرناہ کے ٹیوال سیکٹر میں لائن آف کنٹرول (ایل او سی) پر دیوالی کے موقع پر ایک مٹھائی کا تبادلہ کیا اور ایک دوسرے کو مبارکباد پیش کی۔ اس موقع پر بھارتی فوج اور پاکستانی فوج نے ایک ساتھ جشن منایا۔

واضح رہے کہ سرحدوں پر آپسی روابط کو بہتر بنائے جانے کے لیے مٹھائی کی جاتی ہے۔ جنگ بندی کے معاہدے کے نتیجے میں لائن آف کنٹرول پر امن میں گرمجوشی دیکھی جارہی ہے۔ یہ گرم جوشی دونوں ہمسایہ ممالک کے درمیان متعدد مواقع پر ظاہر ہوئی ہے۔

دونوں طرف کے مقامی لوگوں نے بھی مٹھائیوں کی تقسیم کو منفرد قرار دیا ہے۔ ان کا کہنا ہے کہ سرحدوں کے ساتھ رہنے والی آبادی کو تحفظ ملے گا اور خوشحالی اور امن کو فروغ ملے گا۔