جموں و کشمیر کے کپواڑہ میں سکیورٹی فورسز اور عسکریت پسندوں کے درمیان تصادم میں پولیس کے مطابق مزید دو عسکریت پسند ہلاک ہوئے ہیں اس سے قبل دو عسکریت پسند ہلاک ہوئے تھے۔ جموں و کشمیر پولیس نے ٹویٹر کے ذریعے بتایا کہ ضلع کپواڑہ میں عسکریت پسندوں اور سکیورٹی فورسز کے مابین انکاؤنٹر میں ہلاک عسکریت پسند کا تعلق پاکستان سے ہے۔ جموں و کشمیر پولیس کے مطابق ہلاک عسکریت پسند لشکر طیبہ سے وابستہ تھا۔
آئی جی کشمیر وجے کمار نے بتایا تھا کہ علاقے میں دو سے تین عسکریت پسند اب بھی موجود ہیں۔ پولیس کے ایک ترجمان نے بتایا کہ گرفتار عسکریت پسند شوکت احمد شیخ (لولاب کپواڑہ) کی نشاندہی پر پولیس اور 28 آر آر نے اتوار کے روز کپواڑہ میں ہائیڈ آؤٹ کی تلاشی کے دوران وہاں پر موجود عسکریت پسندوں نے حفاظتی عملے پر فائرنگ شروع کی۔ جوابی کارروائی کے دوران دو عسکریت پسند ہلاک ہوا۔ جموں و کشمیر پولیس نے بتایا کہ فی الحال انکاؤنٹر جاری ہے۔
