ڈپٹی کمشنر کپوارہ امام دین نے ہندوارہ قصبہ کا اچانک دورہ کر کے سب ضلع اسپتال سمیت مختلف بازاروں کا معائنہ کیا۔
ڈپٹی کمشنر (ڈی سی) نے ہندوارہ اسپتال کے معائنے کے دوران ایمرجنسی وارڈ اور ٹراما روم سمیت اسپتال کے مختلف حصوں کا معائنہ کیا۔
انہوں نے مریضوں اور تیمارداروں سے بات چیت کی اور اسپتال انتظامیہ کی جانب سے انہیں فراہم کی جانے والی سہولیات کے بارے میں دریافت کیا۔
ڈی سی نے ہندوارہ قصبے کے مختلف بازاروں کا بھی معائنہ کیا اور ماسک کے استعمال سمیت کورونا گائیڈ لائنز کی پابندی کیے جانے کی بھی جانچ کی۔
بعد ازاں انہوں نے میڈیا سے گفتگو کرتے ہوئے لوگوں سے کورونا کے پھیلاؤ کو روکنے کے لیے وضع کیے گئے رہنما خطوط خصوصاً ماسک پہننے، ہاتھوں کو صاف رکھنے اور سماجی دوری برقرار رکھنے کی اپیل کی۔
ڈی سی نے عوام سے بلا ضرورت گھروں سے باہر نہ جانے پر زور دیتے ہوئے گھروں تک ہی محدود رہنے کی تلقین کی۔
ڈی سی کے ہمراہ سپرنٹنڈنٹ آف پولیس ہندوارہ، ایڈیشنل ڈپٹی کمشنر ہندورارہ، صدر مونسپل کمیٹی ہندوارہ و دیگر افسران سمیت ٹریڈرز فیڈریشن ہندوارہ کے صدر بھی موجود تھے۔
