ضلع ترقیاتی کمشنر کپوارہ DC Kupwara Inaugurates Receiving Station نے ہائہامہ علاقے میں دس میگاواٹ پاور رسیونگ اسٹیشن کا افتتاح کیا۔
افتتاح تقریب کے موقع پر مقامی باشندوں سمیت منتخب عوامی نمائندوں نے بھی شرکت کی۔ مقامی باشندوں نے بتایا کہ انتظامیہ نے لوگوں کی دیرینہ مانگ کو پورا کرتے ہوئے رسیونگ اسٹیشن کا افتتاح کیا گیا، انہوں نے رسوینگ اسٹیشن کے مکمل فعال بنائے جانے سے علاقے میں بجلی کے حوالے سے مشکلات کے حل ہونے کی امید ظاہر کی۔
میڈیا سے گفتگو کرتے ہوئے ڈی سی کپوارہ نے کہا کہ علاقے میں بجلی کی قلت کے حوالے سے عوام کو کافی مشکلات کا سامنا ہے، تاہم رسیونگ اسٹیشن سے لوگوں کو کافی حد تک راحت محسوس ہوگی۔
مزید پڑھیں: DC Kupwara Visits Handwara Hospital: ڈی سی کپوارہ کا ضلع اسپتال ہندوارہ کا دورہ
انہوں نے کہا کہ رسیونگ اسٹیشن کا رسمی افتتاح آئندہ دنوں جموں و کشمیر کے لیفٹیننٹ گورنر منوج سنہا کریں گے۔
