شمالی کشمیر کے ضلع کپواڑہ کے علاقے ٹنگڈار میں منگل کی صبح ایک فوجی جوان دم گھٹنے کی وجہ سے ہلاک ہوگیا۔
ایک عہدیدار نے بتایا کہ سپاہی راگنی سیکٹر میں بٹیجا چوکی پر ڈیوٹی پر تھا جب دم گھٹنے کی وجہ سے وہ بے ہوش ہوگیا۔
عہدیدار نے بتایا کہ "ابتتائی رپورٹ کے مطابق مٹی کے تیل کے ہیٹر کے استعمال سے ہی اس کی موت واقع ہوئی ہے۔
انہوں نے بتایا کہ 'فوجی کو فوری طور پر قریبی اسپتال لے جایا گیا جہاں ڈاکٹروں نے پہنچتے ہی اسے مردہ قرار دے دیا۔'
ایک پولیس افسر نے متوفی کی شناخت پنجاب کے سکھ منگت سنگھ کے نام سے کی ہے۔
انہوں نے مزید کہا کہ "متوفی فوج کے 7 آر آر سے وابستہ تھا۔
