ضلع کپواڑہ کے ہندواڑہ قصبے سے تعلق رکھنے والے تقریباً تیس طلبہ کو محکمہ جنگلات کے تعاون سے فاریسٹ ٹریکنگ پر روانہ کیا گیا۔
ٹریکنگ میں شامل طلبا و طالبات کو محکمہ جنگلات کے افسران ماحولیات، جنگلی حیات، جنگلات کی اہمیت سمیت دیگر معلومات فراہم کریں گے۔
ماہرین کے مطابق طلبہ کو ٹریکنگ پر روانہ کرنے سے نہ صرف بچے گھروں سے باہر پریکٹیکل معلومات حاصل کر پائیں گے بلکہ یہ طلبہ کی ذہنی ورزش کے لیے بھی کافی مفید ہے۔
مزید پڑھیں:کپواڑہ میں محکمہ تعلیم کی جانب سے میگا انرولمنٹ ڈرائیو کا اہتمام
مقامی اسکول کے پرنسپل نے بتایا کہ طلبہ گھروں کی چار دیواری میں گزشتہ دو برسوں سے محصور ہوکر رہ گئے تھے، اس طرح کے ٹورز سے انکی ذہنی و جسمانی ورزش کے ساتھ ساتھ ساتھ طلبہ پریکٹیکل معلومات سے بھی مستفید ہونگے۔
محکمہ جنگلات کے افسران نے بتایا کہ اس طرح کے معلوماتی ٹورز کا انعقاد مستقبل میں بھی کیا جائے گا۔
