جنوبی کشمیر کے ضلع کولگام میں سکیورٹی فورسز نے دو الگ الگ مقامات پر تلاشی کاروائی شروع کر دی ہے۔
دراصل سکیورٹی فورسز کو اطلاع ملی ہے کہ علاقہ ریڈونی بالا میں عسکریت پسند موجود ہیں، جس کے فوراً بعد سکیورٹی فورسز نے ایک وسیع علاقے کو اپنے گھیرے میں لے لیا اور گھر گھر تلاشی شروع کر دی۔ آخری اطلاع ملنے تک محاصرہ جارہی تھا۔
وہیں علاقے برازلو جاگیر میں بھی تلاشی مہم شروع ہوئی۔ سکیورٹی فورسز نے پورے علاقے کو اپنی تحویل میں لیا اور گھر گھر تلاشی شروع کردی۔ علاقہ میں عسکریت پسندوں کی موجودگی کی اطلاع کے بعد سکورٹی فورسز کی مشترکہ ٹیم ایس او جی، پولیس، سی آر پی ایف اور راسٹریہ رائفلز نے پورے علاقے کو اپنی تحویل میں لیا اور تلاشی کاروائی شروع کردی۔ علاقے کے سبھی داخلی و خارجی راستوں کو بند کیا گیا ہے۔
