جنوبی کشمیر کے ضلع کولگام میں آئے روز شبانہ چھاپے اور محاصروں کا سلسلہ جاری رہتا ہے۔ گزشتہ دنوں پیش آئے مسلح تصادم کے بعد یہاں کئی مقامات پر سکیورٹی فورسز کی جانب سے محاصرے کیے جا رہے ہیں۔
ادھر گزشتہ شب کولگام کے پڈر پورہ اور آوہٹو علاقے میں سکیورٹی فورسز نے بڑے پیمانے پر محاصرہ شروع کیا ہے جو ہنوز جاری ہے۔
ذرائع کے مطابق محاصرے میں لیے گیے علاقوں کے تمام راستے بند کر دئے گیے ہیں اور سکیورٹی فورسز کی بھاری نفری تعینات کی گئی ہیں۔ لیکن ابھی تک علاقے میں سکیورٹی فورسز اور عسکریت پسندوں کا آمنا سامنا نہیں ہوا ہے۔
واضح رہے کہ سرکاری ذرائع کے مطابق کولگام ضلع میں پچاس سے زائد نوجوانوں نے عسکری تنظیموں میں شمولیت اختیار کی ہے لیکن ابھی تک اس کی تصدیق نہیں ہوئی ہیں۔
غور طلب ہے کہ پولیس کی جانب سے لاپتہ نوجوانوں کے گھر جاکر ان کے بارے میں تفصیلی رپورٹ حاصل کی جارہی ہے۔
