جنوبی ضلع کولگام میں جمعہ کے دوز اسسٹنٹ ڈسٹرکٹ ڈیولپمنٹ کمشنر کی سربراہی میں جائزہ میٹنگ منعقد کی گئی جس میں رواں سال میں تباہ کن نقصانات کا جائزہ لیا گیا۔
دراصل میٹنگ میں ان افراد خانہ کے لئے معالی معاونت کا تخمینہ لگایا جاتا ہے اور ان کے بینک اکاونٹس میں ریلیف کی رقم ڈالنے کا منصوبہ تیار کیا جاتا ہے۔
میٹنگ میں اسسٹنٹ ڈسٹرکٹ ڈیولپمنٹ کمشنر ریاض احمد صوفی اور ایڈیشنل ڈپٹی کمشنر شوکت احمد نے آفسران کو ہدایت دی کہ وہ ناگہانی آفات میں تباہ ہوئے املاک کا جائزہ لگا کر فوری ریلیف فراہم کیا کریں۔
میٹنگ میں اسسٹنٹ ڈسٹرکٹ ڈیولپمنٹ کمشنر جو کہ ڈزاسٹر مینجمنٹ کے چیرمین بھی ہے، نے تحصیلداروں کو ہدایت دی کہ وہ جب بھی ناگہانی آفت ہو، ایسے صورت حال پیدا ہو تو وہ ازخود ان جگہوں کا معائنہ کریں۔ میٹنگ میں ضلع کے تمام تحصیلداروں کے علاوہ محکمہ مال اور آر اینڈ بی کے آفسران موجود تھے۔
وضعہ رہے اس طرح کی میٹنگ ہر تین ماہ میں منعقد کی جاتی ہے جس میں آفات سماوی میں ہوئے نقصانات کا تخمینہ لگایا جاتا ہے اور ان افراد خانہ کو ضلع انتظامیہ کی جانب سے معاوضہ دیا جاتا ہے جو کسی بھی ناگہانی آفت میں بے گھر ہوتے ہیں۔
