کولگام: جنوبی کشمیر کے ضلع کولگام میں کئی روز سے سیب از خود درختوں سے گر رہے ہیں۔ سیب کے گرنے سے کسانوں میں تشویش کی لہر دوڑ گئی ہے۔ کسانوں کا کہنا ہے کہ درختوں سے سیب گرنے لگے ہیں، جس سے کئی دنوں سے میوہ باغات کو بہت نقصان ہورہا ہے۔Premature apple drop creates panic
وہیں محمکہ ہاٹیکلچر نے مختلف علاقوں میں کسانوں کو جانکاری دے کر اس معاملے سے نمٹنے کے لیے مشورے دیے ہیں۔ چیف ہاٹیکلچر آفسر لیاقت علی خان نے اس حوالے سے بات کرتے ہوئے کہا کہ رواں برس درختوں سے سیب گررہے ہیں لیکن یہ جون میں ہوتا ہے اور اس طرح سے کسانوں کو پریشان ہونے کی ضرورت نہں ہے۔
انہوں نے کہا کہ کسانوں کو محکمہ ہاٹیکلچر کے آفسروں کی جانب سے جانکاری دی گئی ہے جس سے درختوں سے ازخود سیب گرنے میں کمی ہوگی۔ انہوں نے کہا کہ یہ سیب موسم میں تبدیلی ہونے سے سیب گر رہے ہیں لیکن محکمہ کہ جانب سے مشورے کے بعد اب مختلف علاقوں سے سیب گرنا بند ہوگئے ہیں۔ موصوف افسر نے کسانوں سے اپیل کی وہ محکمہ کی جانب سے تسلیم شدہ ادویات کا چھڑکاؤ کریں تاکہ نقصان سے بچا جا جاسکے۔
یہ بھی پڑھیں:
