ڈی ڈی سی انتخابات: کولگام میں ووٹنگ جاری

جموں و کشمیر میں آج ڈی ڈی سی انتخابات اور بلدیاتی ضمنی انتخابات کے پہلے مرحلے کے لیے ووٹنگ ہو رہی ہے، ضلع کولگام میں بھی ووٹنگ جاری ہے۔

کولگام میں انتخابات کو لیکر سخت انتظامات کیے گیے ہیں۔ صبح سے ہی مختلف پولنگ مراکزوں پر ووٹروں کی خاصی تعداد نظر آرہی ہے۔ ابھی تک دمحال اور ہانجی پورہ میں پچاس سے زائد ووٹ ڈالے جا چکے ہیں۔

واضح رہے کہ ضلع میں 223 پولنگ مراکز قائم کیے گیے ہیں۔

جموں و کشمیر میں پہلی بار منعقد ہونے والے ضلع ترقیاتی کونسل کے انتخابات نیز پنچایتی اور بلدیاتی اداروں کے ضمنی انتخابات کے پہلے مرحلے کے لیے رائے دہندگی ہو رہی ہے، جس کے لیے سخت سکیورٹی سمیت تمام ضروری انتظامات کئے گئے ہیں۔