کولگام:جنوبی ضلع کولگام کے تری گام علاقے میں پُر اسرار طور پر لاپتہ ہوئے باپ بیٹے کو پولیس نے زندہ بازیاب کیا ہے۔اطلاعات کے مطابق اتوار کی سہ پہر کولگام پولیس نے پُر اسرار طور پر لاپتہ ہوئے باپ بیٹے کو بازیاب کیا ہے۔ ذرائع نے بتایا کہ ہفتے کے روز نامعلوم افراد نے بشیر احمد اور اس کے بیٹے زبیر احمد کو اپنے ساتھ لیا تھا اور تب سے ان کا کئی پر اتہ پتہ نہیں چل سکا، جس کے بعد اہل خانہ نے پولیس اسٹیشن میں گمشدگی کی رپورٹ درج کی تھی۔
ذرائع نے بتایا کہ ایس ایس پی کولگام نے ایک خصوصی ٹیم تشکیل دی اور اتوار کی صبح سے ہی ضلع کولگام میں مختلف مقامات پر چھاپہ ماری اور ناکہ لگائے گئے۔معلوم ہوا ہے کہ اتوار کی سہ پہر دونوں باپ بیٹے کو باز یاب کیا گیا۔ واضح رہے کہ اتوار کی صبح بشیر احمد کے اہل خانہ نے نامہ نگاروں کو بتایا کہ ہفتے کے روز تین افراد ان کے رہائشی مکان میں گھس آئے اور بشیر احمد اور زبیر احمد کو اپنے ساتھ لے گئے ۔انہوں نے بتایا کہ اتوار شام تک جب دونوں واپس گھر نہیں لوٹے تو پولیس اسٹیشن میں گمشدگی کی رپورٹ درج کی۔
مزید پڑھیں: Father Son Duo Go missing کولگام سے باپ اور بیٹا لاپتہ، پولیس کی جانب سے تلاش جاری
