کولگام: جنوبی کشمیر کے کولگام ضلع کی معروف زیارتگاہ حضرت میر سید حُسین سمنانی رحمۃ اللہ علیہ کا عرس پاک انتہائی تزک و اہتشام کے ساتھ منایا گیا۔ عرس پاک پر دور درواز علاقوں سے آئے عقیدت مندوں نے شرکت کی۔ اس موقع پر آستان عالیہ میر سید حُسین سمنانی رحمہ اللہ تعالیٰ علیہ پر درود و اذکار، نعت و مناجات اور وعظ و تبلیغ کی محافل کے ساتھ ساتھ شب خوانی کا بھی اہتمام کیا گیا۔Mir Syed simnani URS
شب خوانی کے بعد آستان عالیہ پر نماز فجر کے موقع پر تبرکات کی نشاندہی بھی کی گئی۔ اس موقع پر ضلع کولگام سمیت دیگر اضلاع سے آئے عقیدت مند تبرکات سے فیضیاب ہوئے وہیں اس موقع پر اپنے اور اہل و عیال کے لیے خصوصی دعاؤں کے علاوہ وادی کشمیر میں امن و استحکام کے لیے بھی دعائیں مانگیں۔ منتظمین کے مطابق آنے والے جمعہ کو پھر سے تبرکات کی نشاندہی کی جائے گی۔Kulgam Urs of Mir Syed simnani
آستان عالیہ پر اوقاف کمیٹی کی جانب سے خاطر خواہ انتظامات کیے گئے تھے وہیں اس موقع پر دود دراز علاقوں سے آنے والے زائرین کے لیے لنگر کا بھی اہتمام کیا گیا تھا۔
