یاری پورہ کولگام میں میگا بلاک دیوس کا انعقاد

میگا بلاک دیوس کا مقصد لوگوں کی دہلیز تک پہنچ کر ان کے مسائل سننا اور ان کا ازالہ کرنا ہے۔

ضلع کولگام کے گورنمنٹ مڈل اسکول یاری پورہ میں میگا بلاک دیوس کا اہتمام عمل میں لایا گیا جس میں مختلف محکمہ جات سے وابستہ افسران نے لوگوں کی شکایات سنیں۔

ہم آپ کو بتا دیں کہ میگا بلاک دیوس کا مقصد لوگوں کی دہلیز تک پہنچ کر ان کے مسائل سننا اور ان کا ازالہ کرنا ہے، جس کے لیے میگا بلاک دیوس کا اہتمام کیا جاتا ہے۔ مختلف دفاتر کے چکر کاٹنے کے بجائے ایک جگہ سبھی محکمہ جات کے آفیسران کو جمع کیا جاتا ہے تاکہ عوامی مسائل کا وقت پر ازالہ کیا جا سکے۔

محکمہ دیہی ترقی کے اے سی ڈی محمد عمران خان اور دیگر متعلقہ آفیسران نے منعقدہ میگا بلاک دیوس میں شرکت کی۔

اس موقع پر عوامی مسائل کی شنوائی عمل میں لائی گئی، جبکہ کئی مسائل کا موقع پر ہی نپٹارا کیا گیا۔ عوامی مسائل پر مبنی میگا دیوس ضلع کولگام میں کئی جگہوں پر منعقد کیے گئے۔