کولگام: ذہنی امراض اور ان کے تدارک سے متعلق ورکشاپ

جنوبی کشمیر کے ضلع کولگام میں ذہنی امراض اور ان کے تدارک سے متعلق ایک ورکشاپ کا انعقاد کیا گیا۔

انسٹی ٹیوٹ آف مینٹل ہیلتھ اینڈ نیورو سائنسکشمیر اور یونیسیف (UNICEF) کے اشتراک سے ضلع کولگام میں ذہنی امراض اور ان کے تدارک سے متعلق ایک جانکاری کیمپ کا انعقاد کیا گیا۔

ورکشاپ کا انعقاد جنرل نرسنگ اسکول کولگام میں کیا گیا جس میں ضلع بھر کی آشاوررکروں نے دن بھر چلنے والے ورکشاپ سے استفادہ حاصل کیا۔

میڈیکل کالج سرینگر سے آئے ہوئے مقررین اور ماہرین نے ذہنی بیماریوں اور دیگر متعلقہ امور پر روشنی ڈالی۔

ذہنی امراض اور ان کے تدارک سے متعلق ورکشاپ منعقد کرنے کی اہمیت سے متعلق منتظمین نے کہا کہ ’’آشاورکروں کو ورکشاپ کے ذریعے ذہنی بیماریوں سے آگاہ کیا گیا تاکہ وہ گھر گھر جاکر لوگوں کو ذہنی امراض کی جانکاری فراہم کر سکیں۔۔‘‘

انہوں نے کہا کہ آشا ورکر دور دراز علاقہ جات اور کونے کونے میں جاکر مختلف امور انجام دیتی ہیں جس وجہ سے ان کے ذریعے عوام میں ذہنی امراض سے متعلق بیداری پیدا ہو پائے گی۔