کولگام: نالہ ویشو سے غیر قانونی طریقے سے ریت اور بجری نکالنے پر لوگ برہم

جنوبی کشمیر کے ضلع کولگام میں چھمبہ گنڈ روڈ پر لوگوں نے خاموش احتجاج کرتے ہوئے نالہ ویشو سے غیر قانونی طور ریت اور باجری نکالے جانے پر برہمی کا اظہار کیا۔

ضلع کولگام کے چھمبہ گنڈ روڈ پر واقع نالہ ویشو کے قریب مقامی لوگوں نے خاموش احتجاج کیا۔

احتجاج کر رہے لوگوں نے ویشو نالہ پر تعمیر کیے گئے پل کے نزیک غیر قانونی طور ریت اور بجری نکلالے جانے پر برہمی کا اظہار کرتے ہوئے انتظامیہ سے عوامی املاک کی حظاظت کو یقینی بنائے جانے کی مانگ کی۔

لوگوں نے بتایا کہ ویشو نالہ سے پل کے نزیک ریت اور باجری نکلانے کا غیر قانونی عمل کافی عرصے سے جاری ہے جس کے سبب پل بنیادیں کمزور ہو گئی ہیں۔

انہوں نے دعویٰ کیا کہ اس سے قبل بھی اس طرح کے عمل سے پل کو نقصان پہنچا ہے۔ انہوں نے اس ضمن میں انتظامیہ سمیت محکمہ جیالوجی اینڈ مائننگ سے مداخلت کی اپیل کرتے ہوئے غیر قانونی طور ریت اور باجری نکالنے کے عمل کو روکنے کی اپیل کی۔