جموں و کشمیر کے ضلع کولگام میں درجنوں گاوں سے آئے مقامی لوگوں نے لیرو کے مقام پر انتظامیہ کے خلاف احتجاج کیا۔ مقامی لوگوں کا کہنا ہے کہ میونسیپل کمیٹی کی جانب سے ویشو نالے کو کوڑے دان میں تبدیل کر دیا گیا ہے۔
لوگوں کا کہنا ہے 'گندگی کی وجہ سے نالے کا پانی آلودہ ہو چکا ہے اور آوارہ کتوں کا بھی بھرمار رہتا ہے۔ جس کی وجہ سے مقامی آبادی کو مشکلات کا سامنا کرنا پڑتا ہے'۔
مقامی لوگوں نے کہا ہے کہ محکمہ نے ہمیں کئی بار یقین دہانی کرائی کہ ڈمپنگ سائٹ کی دیوار بندی کی جائے گی لیکن ابھی تک نہیں کی گئی۔
عوام نے انتظامیہ سے گذارش کی ہے کہ ڈمپنگ سائٹ پر موجود کوڑے کو جدید ٹیکنالوجی کی مدد سے ٹھکانے لگایا جائے اور ڈمپنگ سائٹ کے ارد گرد دیوار کھڑی کی جائے۔
وہیں میونسیپل کمیٹی کے چیئرمین منیب زرگر نے ای ٹی وی بھارت کے نمائندے کو فون پر بتایا 'سول ویسٹ منیجمنٹ کے تحت جلد ہی کوڑے کو ٹھکانے لگانے اور دیوار بندی کا کام شروع کیا جائے گا۔
