جموں و کشمیر کے ضلع کولگام میں زیر تعمیر نئے کورٹ کمپلکس کا ریاستی ہائی کورٹ کے جج جسٹس علی ماگرے نے دورہ کیا، جہاں انھوں نے انتظامیہ اور تعمیراتی ایجنسیوں کے ساتھ ایک جائزہ میٹنگ کی صدارت بھی کی۔
کولگام میں نئے کورٹ کمپلکس کا معائنہ کرنے کے بعد جسٹس علی ماگرے نے تعمیراتی ایجنسیوں پر سخت تنقید کرتے ہوئے کہا کہ کمپلکس میں بالکل نا کے برابر کام ہوا ہے، جو کی کسی کے بھی لیے خوش آئند قد نہیں ہے، انکے ہمراہ جسٹس چٹرجی، ڈی سی کولگام، پرنسپل سیشن جج اور عدلیہ سے وابستہ اہلکار موجود تھے۔
انھوں نے کہا کہ سست رفتار کام کی وجوہات کا پتا کرنے کے بعد ہی متعلقہ حکام کے خلاف کاروائی کی جائے گی، انہوں نے کہا کہ ملک میں عدلیہ کا انفراسٹکچر بہتر ہو رہا ہے، جس کے لیے ایسے اقدامات اٹھانے کی سخت ضرورت ہے، جبکہ کولگام میں اس چیز کی اشد ضرورت ہے۔
اپنے اس دورے کے دوران جسٹس علی ماگرے نے ضلعی کورٹ کا بھی دورہ کیا اور یہاں بار ممبران و دیگر متعلقہ عملہ سے ملاقات کی اور انکے مسائل سے واقفیت حاصل کی۔
