جنوبی کشمیر کے کولگام کی پولیس ٹیم نے دعوی کیا ہے کہ نئی دہلی کے اندرا گاندھی انٹرنیشنل ہوائی اڈے سے عسکری تنظیم جیش محمد کے ایک معاون کو گرفتار کیا ہے۔
کشمیر زون پولیس نے اپنے آفیشل ٹویٹر ہینڈل پر ایک ٹویٹ میں کہا کہ جنوبی کشمیر کے ضلع اننت ناگ کے بجبہاڑہ علاقے سے تعلق رکھنے والا منیب صوفی نام کا نوجوان پاکستانی عسکریت پسند ولید بھائی کے لیے کام کرتا تھا۔
پولیس کے مطابق ولید کو گذشتہ سال کولگام میں ایک انکاؤنٹر کے دوران ہلاک کیا گیا'۔
پولیس نے بتایا کہ منیب صوفی کو دہلی کے ائیرپورٹ پر گرفتار کیا گیا۔ وہ آج ہی قطر سے واپس آیا تھا'۔
