کورونا وائرس کو پھیلنے سے روکنے کے لیے انتطامیہ کی جانب سے اقدامات کیے جارہے ہیں۔ وہیں فوجی بھی اس وبا کو ختم کرنے کے سلسلے میں بیداری پرگروامز کا اہتمام کر رہے ہیں۔
ضلع کولگام کے قاضی گنڈ علاقے میں کورونا وائرس سے متعلق فوج نے بیداری مہم چلائی۔
فوج کی طرف سے کورونا سے متعلق بیداری مہم
تفصیلات کے مطابق ضلع کے ویسو علاقہ میں فوج کے 19 راشٹریہ رائفلز نے محکمہ صحت قاضی گنڈ کے اشتراک سے کورونا وائرس اور اس کے حفاظتی اقدامات کے تحت ایک بیداری مہم چلائی۔
پروگرام 'کورونا مکت عوام' کے تحت فوج نے مختلف علاقوں میں رہنے والے لوگوں میں ماسک، صابن اور دیگر چیزیں تقسیم کیں۔
مہم کے دوران ڈاکٹرز نے کہا کہ "ماسک کا استعمال، سوشل ڈسٹنسنگ اور اپنے آپ کو صاف رکھنا خاص طور پر اپنے ہاتھوں کی صفائی کرنا کووڈ انفیکشن سے لڑنے کا بنیادی علم اور طریقہ ہے۔'
