کولگام: گزشتہ شام کولگام کے کاکرن پمبی میں نامعلوم مسلح افراد نے ستیش کمار سنگھ نام کے شخص پر نزدیک سے فائرنگ کی۔ اس حملے میں ستیش کے سر میں گولی لگی جس کی وجہ سے وہ بُری طرح زخمی ہوگئے تھے۔ ستیش سنگھ کو زخمی حالت میں کولگام ہسپتال میں داخل کرایا گیا تھا، سر پر گولی لگنے کی وجہ سے اسے تشویشناک حالت میں اِسکمز ہسپتال سرینگر منتقل کیا گیا لیکن دوران علاج اس کی موت Civilian Succumbed in Kulgam Firing ہوگئی۔
بتایا جا رہا ہے کہ ستیش کمار سنگھ پیشے سے ڈرائیور تھا۔ آج جب ان کی لاش ان کے آبائی علاقے پہنچ گئی تو یہاں صف ماتم بچھ گیا۔ ان کی آخری رسومات کے لیے مقامی مسلمانوں نے بڑھ چڑھ کر حصہ لیا۔ مقامی لوگوں نے اس واقعہ کو افسوس ناک قرار دیا اور اس حملے میں ملوثین کے خلاف سخت کارروائی کا مطالبہ کیا۔ Last Rites of Kashmiri Rajput
مزید پڑھیں:
- نامعلوم مسلح افراد کی فائرنگ میں ایک شخص کی موت
- Civilian Succumbed in Kulgam Firing: کولگام میں مسلح افراد کی فائرنگ میں شہری ہلاک
قبل ازیں لیفٹیننٹ گورنر منوج سنہا سابق وزرائے اعلیٰ عمر عبداللہ، محبوبہ مفتی، محمد یوسف تاریگامی، نظیر احمد لاوے سمیت دیگر سیاسی لیڈران نے ان واقعے کی پُر زور الفاظ میں مذمت کی۔ بی جے پی، اپنی پارٹی، پیپلز کانفرنس اور دیگر جماعتوں نے بھی ایسے حملوں کی شدید الفاظ میں مذمت کرتے ہوئے اسے انسانیت سوز قدم قرار دیا۔
