کولگام: جموں و کشمیر کے ضلع کولگام کے کیلم علاقے میں سیوک ایکشن پروگرام کے تحت سنٹرل ریزرو پولیس فورس (سی آر پی ایف) کی 18بٹالین کی جانب سے میڈیکل کیمپ کا انعقاد عمل میں لایا گیا۔ کیمپ کا افتتاح کمانڈنگ آفیسر بی اے کے چورسیا نے کیا، میڈیکل کیمپ میں سی آر پی ایف کے ماہرین سمیت مقامی اسپتال سے مدعو کیے گئے معالجین نے کیمپ میں آئے مریضوں کا معائنہ کیا۔ Medical examination of patients in Kulgam
کمانڈنگ آفیسر نے بتایا کہ 'کیمپ میں مریضوں کا طبی معائنہ کرنے کے علاوہ انہیں ادویات بھی مفت فراہم کی گئی۔ سی او کا کہنا ہے کہ 'کمپنی کی جانب سے 8 میڈیکل کیمپ منعقد کرنے کا منصوبہ تیار کیا گیا ہے۔ Free Medical Camp in Qazigund Kulgam
یہ بھی پڑھیں: فوج نے پونچھ میں مفت طبی کیمپ کا انعقاد کیا
انہوں نے کہا کہ 'طبی خدمات کے علاوہ مقامی 50 طلبہ کو کمپیوٹر تعلیم مفت فراہم کی جا رہی ہے۔ مقامی باشندوں نے طبی کیمپ کے انعقاد پر سی آر پی ایف کی سراہنا کی۔
