کورونا وائرس کے پھیلاؤ کی وجہ سے پیدا ہونے والی موجودہ صورتحال کو مدنظر رکھتے ہوئے انتظامیہ کی جانب سے اس مہلک وائرس کے پھیلاؤ کو روکنے کے لیے مختلف کوششیں کی جارہی ہیں۔
اگرچہ مختلف اقدامات شروع کردیئے گئے تھے اور اسی سلسلے میں باضابطہ احکامات دئے گئے تھے۔
لیکن انتظامیہ کے حکم کے باوجود اب بھی کچھ افراد احکامات پر عمل کرنے میں دلچسپی نہیں رکھتے ہیں۔
آج کولگام پولیس نے دو افراد کو گرفتار کیا ہے جو چیک پوسٹ پر اہربل جانے والی متعدد گاڑیوں سے انٹری فیس وصول کررہے تھے۔
اس سلسلے میں پولیس اسٹیشن منزگام میں ایف آئی آر درج کی گئی ہے۔
ملزمان یعنی وسیم احمد نائک اور اشفاق احمد ملک کو گرفتار کرلیا گیا ہے اور مزید تفتیش کا آغاز کردیا گیا ہے۔
کولگام پولیس نے ایک بار پھر لوگوں سے درخواست کی کہ وہ ممنوعہ احکامات کی خلاف ورزی نہ کریں کیونکہ خلاف ورزی کرنے والوں کے خلاف قانون کے تحت سخت کارروائی ہوگئی۔
