اہلخانہ نے لاپتہ نوجوان سے گھر واپس آنے کی التجا کی

جنوبی کشمیر کے ضلع کولگام میں چند روز قبل ایک نوجوان لاپتہ ہو گیا ہے۔ لاپتہ نوجوان کے اہلخانہ نے کیمرے کے سامنے گڑگڑاتے ہوئے اپنے بیٹے سے اپیل کی ہے کہ وہ گھر واپس لوٹ آئے۔

تفصیلات کے مطابق کولگام کے چوولگام علاقے سے تعلق رکھنے والا عمیس احمد وانی ایک نوجوان 26 اگست سے لاپتہ ہے۔ ان کے اہلخانہ نے ایک ویڈیو بیان جاری کرتے ہوئے اپنے بیٹے سے اپیل کی ہے کہ وہ گھر واپس لوٹ آئے۔

ویڈیو میں لاپتہ نوجوان کی بہن سمیرہ کیمرہ کے سامنے روتے ہوئے اپنے بھائی سے اپیل کر رہی ہے کہ گھر واپس لوٹ آئے۔ سمیرہ نے کہا کہ عمیس احمد وانی 26 اگست کو لاپتہ ہوگئے ہیں۔

انہوں نے بتایا کہ 'ہم تب سے انہیں تلاش کر رہے ہیں، لیکن اب تک ان کے بارے میں کوئی اطلاع نہیں ملی ہے'۔

اہل خانہ نے جنوبی کشمیر کے پولیس اسٹیشن کولگام میں گمشدہ شخص کی رپورٹ بھی درج کروائی ہے۔

اہلخانہ نے فون نمبرات جاری کرتے ہوئے لوگوں سے اپیل کی ہے کہ کسی کو ان کے بیٹے کے بارے میں جانکاری ہے تو ان نمبرات 7780947926، 9419005583 پر رابطہ کریں۔