ضلع ہسپتال کولگام میں بیماروں اور تیماداروں کی بھیڑ کو لیکر تشویش کی پائی جا رہی ہے۔ مقامی لوگوں کے مطابق ضلع ہسپتال کولگام میں صبح سویرے سے ہی ٹکٹ کاونٹر پر تیماداروں کی لمبی لمبی قطاریں دیکنے کو مل رہی ہیں اور ایسے میں کورونا وائرس کا مزید اضافہ ہو سکتا ہے۔
مقامی لوگوں کے مطابق اس صورتحال سے کورونا کے خدشات میں اضافہ ہو سکتا ہے۔ مقامی لوگوں نے ضلع انتظامیہ سے اپیل کی ہے کہ وہ ضلع اسپتال میں مزید ٹکٹ کاونٹر کھولے تاکہ سماجی دوری از خود قائم ہوجائے۔
انہوں نے الزام عائد کیا کہ ہسپتال میں ٹکٹ کاونٹر پر لمبی لمبی قطاریں ہوتی ہے۔ جس سے کورونا کے خدشات زیادہ ہوتے ہیں۔ واضح رہے کہ ضلع ترقیاتی کمشنر نے پہلے ہی بھیڑ بھاڑ پر پابندی عائد کی ہے۔ لیکن اس کے باوجود ضلع ہسپتال میں لوگوں کی بھیڑ ہے جس سے کورونا سے بچاؤ کے لئے جاری کئے گئے ایس او پیز صرف کاغزوں تک ہی محدود ہیں۔
لوگوں نے ضلع انتظامیہ سے مودبابہ اپیل کی ہے کہ وہ ازخود ضلع ہسپتال کا معائنہ کریں اور دیکھے کہ ایس او پیز زمینی سطح پر کہاں ہے۔
