ضلع کولگام کے بلاک ڈیولپمنٹ آفس کمپلکس میں بدھ کو میگا بلاک دیوس کا اہتمام عمل میں لایا گیا جس میں مختلف محکمہ جات سے وابستہ افسران نے لوگوں کی شکایات سنیں۔
ضلع کے پنچایت آفیسر نے میگا بلاک دیوس کی اہمیت سے متعلق میڈیا سے بات کرتے ہوئے کہا کہ لوگوں کی دہلیز تک پہنچ کر انکے مسائل سننے اور ان کا ازالہ کرنے کے لیے میگا بلاک دیوس کا اہتمام کیا جاتا ہے۔
انہوں نے کہا کہ لوگوں کو مختلف دفاتر کے چکر کاٹنے کے بجائے ایک جگہ سبھی محکمہ جات کے آفیسران کو جمع کیا جاتا ہے تاکہ عوامی مسائل کا وقت پر ازالہ کیا جا سکے۔
مزید پڑھیں؛ قاضی گنڈ: ٹول ٹیکس معاف کرنے سے متعلق احتجاج
ضلع پنچایت آفیسر نے دعویٰ کیا کہ بعض مسائل کا ازالہ موقع پر ہی کیا گیا جب کہ بعض مطالبات کو درج کرکے انہیں اعلیٰ افسران کی منظوری کے بعد فوری طور حل کیا جائے گا۔
انہوں نے مزید کہا کہ دیہی علاقوں میں تعمیراتی منصوبوں کی وقت پر تکمیل اور عوام کو درپیش مسائل انتظامیہ تک پہنچانے کی غرض سے بلاک دیوس کا اہمتام کیا جاتا ہے۔
