کولگام میں بلاک دیوس کا انعقاد

انتظامیہ کی جانب سے ہر ہفتہ بدھ کے روز بلاک دیوس کا انعقاد کیا جاتا ہے جس کا مقصد لوگوں کی شکایات اور مشکلات کا جلد از جلد ازالہ کرنا اور ترقیاتی کاموں کا جائزہ لینا ہے۔

بلاک دیوس پروگرام کے تحت آج ضلع کولگام کے تین بلاکوں دیوسر، کولگام اور ڈی ایج پورہ میں عوامی رابطہ مہم کے تحت بلاک دیوس کا انعقاد ہوا۔ اس میں ڈی سی کولگام شوکت اعجاز بٹ، کے علاوہ پنچایتی راج کے نمائندگان، مقامی باشندوں اور ملازمین نے شرکت کی۔

بلاک دیوس کے دوران عوامی مسائل اور انکی شنوائی ہوئی اور موقع پر ہی ہدایت دی گئی کہ مسائل کو حل کیا جائے۔

لوگوں نے بلاک دیوس پروگرام کی ستائش کی۔ اس موقع پر ضلع ترقیاتی کشمنر نے کہا کہ جلد ہی ان علاقوں میں نئے بجلی پروجیکٹوں کا افتتاح کیا جائے گا۔ بلاک دیوس کا مقصد لوگوں کو ان کی شکایات و مشکلات کو ازالہ کرنا اور علاقے کی ضروریات کا جائزہ لینا ہے۔