احمدآباد نورآباد پینے کے پانی سے محروم

علاقے کے لوگوں کا کہنا ہے کہ وہ دس ماہ سے پانی کی قلت سے دو چار ہیں اور محکمہ انہیں ندیوں اور تالابوں سے آلودہ پانی پینے پر مجبور کر رہا ہے۔

ضلع کولگام دمحال ہانجی پورہ میں واقع احمد آباد نورآباد کے رہائشی گذشتہ ایک برس سے پینے کے صاف پانی سے محروم ہیں۔

صاف پانی کی فراہمی میں ناکامی پر محکمی جل شکتی 'کولگام کے خلاف سخت ناراضگی کا مظاہرہ کیا۔ علاقے کے لوگوں نے کہا کہ گذشتہ دس ماہ سے پانی کی قلت کا شکار ہیں اور محکمہ انہیں کھلی ندیوں اور تالابوں سے آلودہ پانی پینے پر مجبور کر رہا ہے۔

علاقے کے لوگوں نے متعلقہ محکمہ سے اپیل کی ہے کہ وہ علاقے میں پانی کی سپلائی کو یقینی بنائیں۔ وہیں علاقے کے جے، ایی، بشیر احمد نے اس بات کی تسدیق کی ہے کہ علاقے میں آبادی کے لہاز سے پانی کی کافی ضرورت ہے۔ ایسے میں محکمہ کی جانب سے پہلے ہی ایک فلٹریشن پلانٹ پر کام شد و مدد سے جاری ہے جو جلد ہی عوام کے نام وقف کیا جائے گا۔