نیشنل کانفرنس نے پنجاب میں ضلع کولگام کے دمہال ہانجی پورہ نورآباد سے تعلق رکھنے والے کشمیری نوجوان بلال احمد ملک کی پُراسرار موت پر زبردست تشویش کا اظہار کرتے ہوئے معاملہ کی تحقیقات کا مطالبہ کیا ہے۔
پارٹی کی سینیئر لیڈر سکینہ ایتو نے اپنے ایک بیان میں کہا کہ گذشتہ دنوں بیروہ بڈگام کے نوجوان عمر احد کی لاش بھی پنچاب میں پائی گئی تھی اور پولیس نے اسے خودکشی قرار دیا تھا، اگرچہ اُس کے والدین کا اسرار تھا کہ عمر نے خودکشی نہیں کی ہے بلکہ اُس کا قتل کیا گیا تھا۔
سکینہ ایتو نے کہا کہ 10 روز کے اندر ہی ایسا ہی دوسرا واقعہ رونما ہونا کوئی اتفاق کی بات نہیں ہو سکتی ہے۔ اس لئے ضروری ہے کہ دونوں معاملات کی تحقیقات کی جائے اور اصل حقائق کو عوام کے سامنے رکھ کر خاطیوں کو قرار واقعی سزا دی جائے۔
یہ بھی پڑھیں: سرینگر: 2019 کے بعد اب دیکھی جارہی ہیں بچوں میں تفریحی سرگرمیاں
انہوں نے کہا کہ نیشنل کانفرنس کے صدر ڈاکٹر فاروق عبداللہ نے پہلے ہی یہ معاملہ پنجاب حکومت کے ساتھ اٹھایا ہے۔
یو این آئی
