جموں وکشمیر کے ضلع کشتواڑ کے کلید علاقہ کے رہنے والے وکرم سنگھ ولد چمن لال ساکن کلید کشتواڑ گذشتہ ایک ہفتہ سے لا پتہ ہیں۔ اس سلسلے میں وکرم کے ماں باپ نے کشتواڑ پولیس میں رپورٹ درج کرائی ہے۔
ایس ایس پی کشتواڑ شفقت حسین بھٹ کی زیر نگرانی میں پولیس اور ایس ڈی آر ایف کی ٹیم نے پوتی ناگ پل کے ارد گرد اور دریا کے کنارے اور آس پاس تلاشی شروع کر دی ہے اور اس کے علاوہ دریا میں بھی تلاش کرنے کی کوشش کی جارہی ہے۔ پانی ٹھنڈا ہونے کی وجہ سے غوطہ خور دریا میں نہیں جا پا رہے ہیں۔
مزید پڑھیں: اننت ناگ: لاپتہ نوجوان کا عسکریت پسند صف میں شامل ہونے کا اعلان
ایس ایس پی کشتواڑ نے گذشتہ روز سوشل میڈیا پر پریس رلیز جاری کرتے ہوئے کشتواڑ کی عوام سے اپیل کیا کہ وکرم کو تلاش کرنے میں پولیس کی مدد کریں۔ اس کے علاوہ ایس ایس پی کشتواڑ نے کہا کہ وکرم کو تلاش کرنے والے یا پھر اس کی جانکاری دینے والوں کو انعامات سے نوازے جائے گا۔
