چناب میں گری گاڑی سے لاپتہ لاشوں کو ڈھونڈنے میں کشتواڑ کے مقامی لوگوں کے ساتھ ساتھ ریڈکراس کشتواڑ، ایس ڈی آر ایف، کشتواڑ پولیس وانڈین آرمی انہیں ڈھونڈ نکالنے میں لگے ہیں پر ابھی تک کوئی بھی سراغ نہیں ملا ہے۔
نمائندہ دیپک شرما نے ڈپٹی کمشنر کشتواڑ کو فون پر رابطہ کر کے پوری جانکاری لی تو انہوں نے کہا کہ 'دو لوگ ویگنار گاڑی میں سوار تھے پر اچانک حادثہ ہوتے ہی چناب میں جا گرے۔ اس حادثے میں دو لوگ لاپتہ ہیں۔ ضلع انتظامیہ ان کو ڈھونڈنے کی کوشش کر رہی ہے۔ ابھی تک پانی میں کچھ بھی نہیں ملا ہے۔
اس دوران جموں ڈسٹرکٹ ایگزیکٹو منیشور شرما نے ضلع انتظامیہ پر الزام عائد کرتے ہوئے کہا کہ مرکزی سرکار سے کروڑوں اربوں روپے آتا ہے پر نہ جانے وہ پیسا کن لوگوں کے جیبوں میں جاتا ہے اور کشتواڑ کے لوگوں کی قیمتی جانیں دن بدن جا رہی ہیں۔
منیشور شرما نے ضلع انتظامیہ پر رشوت خوری کا بھی الظام لگایا۔
اس دوران سابقہ ایم ایل اے کشتواڑ سنیل کمار شرما موقع پر پہنچے اور ضلع انتظامیہ پر زور دیا کہ لاش کو نکالا جائے۔ انہوں نے اس حادثے پر افسوس کا اظہار کیا۔ اس موقع پر سجاد احمد کچلو، سابقہ ایم ایل اے اندروال غلام محمد سروڑی، نیشنل کانفرنس لیڈر اندروال پیارے لال شرما، بھاجپا لیڈر اندروال تارق کین، کانگریس لیڈر کشتواڑ انجینر راجکمار بڈیال، پیپلز ڈیموکریٹک پارٹی لیڈر ناصر شیخ اور دیگر لیڈران نے افسوس کا اظہار کیا۔
