سوچھ بھارت ابھیان کے تحت ضلع کشتواڑ میں صفائی مہم

اسکولی طلبہ سمیت مختلف محکموں سے وابستہ افسران اور رضاکاروں نے ڈی سی آفس کے احاطے کے علاوہ مشہور چوگان میدان کی بھی صفائی کی۔

پہاڑی ضلع کشتواڑ میں سوچھ بھارت ابھیان کے تحت مختلف مقامات پر صفائی انجام دی گئی۔

صفائی مہم میں قصبہ کشتواڑ کے اسکولی طلبہ سمیت مختلف محکمہ جات کے افسران و رضاکاروں نے شرکت کی۔

رضاکاروں نے ڈی سی آفس کے احاطے سمیت مشہور چوگان میدان کی بھی صفائی کی۔

ذرائع ابلاغ کے نمائندوں سے بات کرتے ہوئے ایڈیشنل ڈپٹی کمشنر کشتواڑ نے کہا کہ ’’سوچھ بھارت ابھیان کے تحت گزشتہ کئی ہفتوں سے عوامی مقامات، عبادت گاہوں، شاہراہوں اور دفاتر کی صفائی انجام دی جا رہی ہے۔‘‘

انہوں نے کہا کہ قصبہ کے مختلف مقامات پر صفائی انجام دینے کا مقصد عوام الناس کو گھروں کے ساتھ ساتھ عوامی مقامات کو صاف ستھرا رکھنے کی ترغیب دینا مقصود ہے۔