پہاڑی ضلع کشتواڑ میں محکمہ جل شکتی سے وابستہ یومیہ اجرت پر کام کر رہے عارضی ملازمین نے اپنے مطالبات کو لے کر احتجاج کیا۔ احتجاجی ملازمین 72 گھنٹوں کے لیے کام چھوڑ ہڑتال پر بیٹھے ہیں۔ Protest Jal Shakti Employees at Kishtwar
احتجاجیوں کا کہنا ہے کہ جب تک ہماری مانگیں پوری نہیں کی جائے گی اس وقت تک ہمارا احتجاج جاری رہے گا۔
عارضی ملازمین نے محکمہ جل شکتی کے اعلیٰ افسران سمیت ضلع و لیفٹیننٹ گورنر انتظامیہ کے خلاف نعرے بازی کرتے ہوئے عارضی ملازمین کے ساتھ سوتیلا سلوک کا الزام لگایا۔
احتجاجیوں کا کہنا ہے کہ وہ دن رات مستعدی کے ساتھ کام کرتے ہوئے عوام الناس کو بلا خلل پانی سپلائی کرتے ہیں، تاہم محنت و لگن سے کام کرنے کے باوجود عارضی ملازمین کے مطالبات کو تسلیم نہیں کیا جا رہا ہے۔
انہوں نے مزید کہا کہ عارضی ملازمین کو مہنگائی کے اس دور میں انتہائی کم اجرت فراہم کی جاتی ہے جس سے وہ اہل و عیال کے لیے دو وقت کا کھانا نہیں مہیا نہیں کر پاتے ہیں۔
انہوں نے انتظامیہ سے عارضی ملازمین کے ساتھ انصاف کرنے اور انکی جائز مانگوں کو فوری طور تسلیم کیے جانے کا مطالبہ کیا۔
اس دوران انہوں نے مزید بتایا کہ حال ہی میں سرکار نے محکمہ بجلی کے عارضی ملازمین کو لیکر فیصلہ لیا ہے اس پر ہم بہت خوش ہیں اور ہمیں بھی امید ہے کہ جموں کشمیر انتظامیہ تا مرکز سرکار ہمارے ساتھ بھی انصاف کرے گی۔
مزید پڑھیں:
- Shopkeeper Disturbed by Filth of Drain: کشتواڑ میں ڈرینیج اور فٹ پاتھ کی خستہ حالی سے دکاندار پریشان
اس دوران مزید کہا کہ سرکار نے تین مارچ کا جو وقت ہمیں دیا ہے ہم اس گھڑی کا انتظار کر رہے ہیں۔ اگر تین مارچ کو ہماری مانگ کو پورا کیا گیا تو یہ ہمارے لئے ایک خوش آئند بات ہوگی اور احتجاج ختم کر دیں گے۔
