کشتواڑ: ڈرینیج کے گندہ پانی سے کئی گھر متاثر

جموں و کشمیر کے قصبہ کشتواڑ کے ایک کلو میٹر کی دوری پر پنڈت گام واقعہ ہے۔ یہاں کے لوگوں کا حکومت سے مطالبہ ہے کہ گاؤں کے ڈرینیج سسٹم کو درست کیا جائے۔ لوگوں کہ کہنا ہے کہ ڈرینیج خراب ہونے کی وجہ سے ان کے گھروں میں گندہ پانی بھر رہا ہے۔

مقامی شخص روشن لال نے میڈیاسے بات کرتے ہوئے کہا کہ افسوس کی بات ہے کہ مرکزی حکومت ایک طرف سوچھ بھارت ابھیان کے بڑے بڑے دعوے کرتی ہے دوسری جانب یہاں لوگوں کے گھروں میں گندہ پانی جا رہا ہے۔

انہوں نے کہا کہ سواچھ بھارت سکیم کے تحت شہر اور گاؤں کو صاف کیا جائے۔ انہوں نے کہا کہ اس سکیم کے تحت جموں کشمیر کی سرکار نے لاکھوں کروڑوں روپے خرچ کیے پر نتیجہ صفر نکلا۔

پنڈت گام کے وارڈ نمبر آٹھ کے ممبر نے میڈیا سے بات کرتے ہوئے کہا کہ ضلع انتظامیہ کو ہزاروں دفعہ درخواست دی گئی کہ علاقہ میں ڈرینیج سسٹم، ڈرینیوں میں پینے کی پایپ لائن،گندگی کے ڈھیر، بجلی کے کھمبے مکانوں کے ساتھ ان کی مرمت کی جائے لیکن ضلع انتظامیہ نے کوئی اقدام نہیں کیا۔

پنڈت گام تا کلید کے لوگوں نے ضلع انتظامیہ کشتواڑ سے پُر زور مطالبہ کیا ہے کہ ان کی مانگ کو پورا کیا جائے جس سے وہاں کے لوگ چین سے رہ سکیں۔