ضلع کشتواڑ کے منی بس سٹینڈ Bus Stand Kishtwarمیں دکانداروں، ڈرائیوروں میونسپل کمیٹی کشتواڑ Municipal Committee Kishtwarسمیت ضلع انتظامیہ کے خلاف احتجاج کیا۔
احتجاج کر رہے لوگوں نے بتایا کہ منی بس اسٹینڈ میں آس پاس کی بستیوں سے کوڑا کرکٹ یہاں جمع کیا جاتا ہے جس سے اٹھنے والی بدبو اور عفونت سے لوگوں کو مشکلات کا سامنا ہے وہیں اس سے وبائی امراض پھوٹ پڑنے کا بھی اندیشہ لاحق رہتا ہے۔
انہوں نے مزید کہا کہ منی بس اسٹینڈ میں بیت الخلاء No Toilets in Bus Stand Kishtwarکا بھی انتظام نہیں ہے جس سے دور دراز کے علاقوں سے آنے والے مسافروں کو شدید مشکلات سے دوچار ہونا پڑ رہا ہے۔
منی بس اسٹینڈ کشتواڑ Mini Bus Stand Kishtwarمیں گندگی کے ڈھیر جمع ہونے سے نہ صرف مقامی دکانداروں اور ڈرائیوروں بلکہ مسافروں کو بھی دقتوں کا سامنا کرنا پڑ رہا ہے۔
- مزید پڑھیں: 'سوپور بس اسٹینڈ ڈسٹ بن بن گیا ہے'
انہوں نے دعویٰ کیا کہ کچھ عرصہ قبل بس اسٹینڈ میں بیت الخلاء تعمیر کیا گیا جسے، انکے مطابق، نا معلوم وجوہات کی بنا پر منہدم کیا گیا۔
بس اسٹینڈ کشتواڑ میں احتجاج کر رہے ڈرائیوروں اور دکانداروں نے میونسپل کمیٹی کشتواڑ سے بس اسٹینڈ میں جمع کوڑا کرکٹ کو صاف کرنے کے علاوہ بیت الخلاء تعمیر کیے جانے کا بھی مطالبہ کیا۔
