جموں و کشمیر کے ضلع کشتواڑ کے دور دراز علاقہ کنتواڑا میں آزادی کے بعد آج محکمہ پی ایم جی ایس وائی کی طرف سے کاندنی سے اولی سڑک پر کام شروع کر دیا گیا ہے جس پر علاقہ کے لوگوں نے انتظامیہ کا شکریہ ادا کیا ہے۔
بلاک ڈیولپمنٹ درابشلہ کے چیئرمین سورج سنگھ پریہار نے میڈیا سے بات کرتے ہوئے کہا کہ کنتواڑا علاقہ کو سیاسی پارٹیوں نے ووٹ بینک کے طور پر استعمال کیا ہے اور علاقہ میں سڑک رابطہ کو پہنچانے میں 70 سال لگ گئے۔
انہوں نے مزید کہا کہ بلاک ڈیولپمنٹ چیئرمین کے انتخابات کے دوران انہوں نے لوگوں سے وعدہ کیا تھا کہ سڑک کو کنتواڑا میں پہنچایا جائے گا اور اس سڑک پر کئی دفعہ پی ایم جی ایس وائی کے چیف انجینیئر سے ملاقات بھی کی۔
بلاک ڈیولپمنٹ چیئرمین سورج سنگھ پریہار اور کنتواڑا کے عوام نے ضلع انتظامیہ کشتواڑ کے ساتھ ساتھ جموں و کشمیر کے لیفٹیننٹ گورنر کا شکریہ کیا کہ علاقہ کی دیرینہ مانگ کو پورا کیا جا رہا ہے۔
