کشتواڑ کے انجول گاوں میں محکمہ جنگلات اور ہارٹیکلچر اور آئی ڈبلیو ایم پی کی جانب سے کروڑوں روپے کی لاگت سے ٹھکرائی انجول میں شجر کاری کی تھی اور مفت میں پودے تقسیم کیے گیے تھے، پر اس سال بارش نہ ہونے سے فصل کے ساتھ ساتھ تمام پودے سوکھ رہے ہیں۔ اسی کو مد نظر رکھتے ہوئے انجول شاردا ماتا مندر کمیٹی نے پودوں کو پانی دینے کی مہم شروع کی ہے۔ اس مہم میں انجول، مڑنا کے اسکولی طلبہ نے بڑھ چڑھ کر حصہ لیا۔
اس دوران مندر کمیٹی صدر دیپک شرما نے اسکولی طلبہ کو پودوں کی اہمیت کے بارے میں بھی جانکاری دی اور انجول کی عوام کے ساتھ ساتھ بلاک ٹھاکرائی کے لوگوں سے بھی اپیل کے ہے کہ اس مہم میں شامل ہو کر شجر کاری کے ساتھ ساتھ پانی بھی پودوں کو ضروری ہے جس سے ماحول اور گرمی سے نجات مل سکے۔ آئے روز کشتواڑ میں بھی گرمی دن بہ دن تیس ڈگری سلسیس پہنچ رہی ہے اس کو قابو کرنے کے لیے پیڑ پودوں کا ہونا بہت ضروری ہے جس سے تازہ ہوا کے ساتھ ساتھ بیماریوں سے بھی نجات مل سکے۔
