کشتواڑ کے بس اسٹینڈ کے نزدیک ایک صفائی ملازم صفائی کررہا تھا کہ بس اسٹینڈ میں دکاندار شفیع سروڑی نامی شخص نے گندگی کو لے کر ملازم کے ساتھ مار پیٹ کی۔
میونسپل کمیٹی کے نائب صدر رنجیت کوتوال نے کہا کہ کشتواڑ کے بس اسٹینڈ پر صفائی ملازم پر جان لیوا حملہ کیا گیا ہے۔ جس میں صفائی ملازم شدید طور پر زخمی ہوگیا ہے۔
واقعہ کی خبر سنتے ہی صفائی ملازمین نے سڑک پر احتجاج کیا جس پر پولیس نے لاٹھی چارج کیا اور درجنوں لوگوں کو حراست میں لے لیا۔
یہ بھی پڑھیں: او آئی سی، کشمیر میں وفد روانہ کرنے کے حق میں
نائب صدر میونسپل کمیٹی کشتواڑ، رنجیت کوتوال نے بھی پولیس تھانہ پہنچنے کی کوشش کی جسے پولیس نے ناکام بنادیا۔
نائب صدر میونسپلٹی نے الزام عائد کرتے ہوئے کہا کہ تھانہ کے مین گیٹ پر پولیس نے میرے ساتھ بدسلوکی کی۔ صفائی ملازمین کام چھوڑ کر ہڑتال پر چلے گئے اور کہا کہ جب تک پولیس معافی نہیں مانگے گی اس وقت تک ہڑتال جاری رہے گی۔
