قصبہ کشتواڑ سے محض بیس کلو میٹر کی دوری پر واقع کنتواڑ علاقے میں دن دہاڑے سرسبز درختوں کی بے دریغ کٹائی کا سلسلہ جاری ہے۔
محکمہ جنگلات کی جانب سے اسمگلروں کا شکنجہ کسنے کے بلند و بانگ دعوے کشتواڑ کے کنتواڑ علاقے کا مشاہدہ کرنے سے محض کاغذی اعلانات معلوم ہو رہے ہیں۔
کنتواڑ کے ہداڑ علاقے میں جنگلی اسمگلر سرسبز درختوں، جن میں زیادہ تر دیوار کے درخت شامل ہیں، کو دن دہاڑے کاٹ کر رہے ہیں۔
مقامی باشندوں کا ماننا ہے کہ ’’سبز سونے کی اس پیمانے پر لوٹ محکمہ جنگلات کی پشت پناہی کے بغیر ممکن نہیں۔‘‘
مزید پڑھیں: کشتواڑ: شراب کی واحد دکان پچھلے کئی مہینوں سے بند
انہوں نے کہا کہ محکمہ جنگلات کے افسران خاموش تماشائی بنے بیٹھے ہیں جبکہ جنگلات کی بے دریغ کٹائی کا سلسلہ جاری ہے۔
مقامی باشندوں نے انتظامیہ سے مداخلت کی اپیل کرتے ہوئے سبز سونے کی لوٹ پر لگام کسنے کا مطالبہ کیا ہے۔
