کشتواڑ : ڈرینیج سسٹم خستہ حال

کشتواڑ قصبے میں ڈرینیج سسٹم کی خستہ حالت ہونے کی وجہ سے برسات کے موسم میں سڑکیں کچرے سے بھر جاتی ہیں، جس سے گاڑیوں کی آمدورفت میں مشکلات پیش آتی ہیں۔

ضلع کشتواڑ کے سرکوٹ میں بھاری بارش ہونے کی وجہ سے سڑکیں گھروں سے نکلنے والے کوڑے کچرے کی وجہ سے بھر گئی ہیں۔

سرکوٹ سے پوچھال کی طرف جانے والی سڑک پر گذشتہ شب بھاری بارش ہونے سے کوڑا کچرا سڑک پر پھیل گیا، جس کی وجہ سے سڑک پانی سے بھر گئی۔

وہیں صبح مقامی لوگوں نے بلاک ڈیولپمنٹ چیئرمین کشتواڑ سوریش شرما کو جانکاری دی، جس کے بعد بی ڈی سی نے ایکس سی این پی ایم جی ایس وائی سے فون پر رابطہ کیا اور انہیں سڑک کی صفائی کرانے کی اپیل کی۔

جس کے بعد ایکس سی این پی ایم جی ایس وائی غلام محمد کھانڈے نے موقع پر پہنچ کر سڑک سے کوڑا کچرا ہٹوایا۔

اس دوران بلاک ڈویلپمنٹ چیرمین نے کہا 'پہلی بار ایسا افسر دیکھنے کو ملا ہے جس نے شکایت کے بعدبہت جلد سڑک کو صاف کرایا ہے'۔

وہیں موقع پر موجود ایکس سی این پی ایم جی ایس وائی غلام محمد کھانڈے نے کہا 'لوگوں کو پیش آنی والی کسی بھی طرح کی پریشانی کو دور کرنے کے لیے ہم 24 گھنٹے تیار رہتے ہیں'۔