کشتواڑ میں آدھار کارڈ کے لیے اضافی قیمت وصولنے سے عوام پریشان

ضلع کشتواڑ میں آدھار کارڈ بنوانے کے لیے اضافی قیمت لیے جانے اور کشتواڑ سے سنتھن ٹاپ سڑک بند ہونے کی وجہ سے عوام کو کافی زیادہ پریشانیوں کا سامنا کرنا پڑرہا ہے۔

جموں و کشمیر کے ضلع کشتواڑ میں آدھار کارڈ بنوانے کے لیے اضافی قیمت لیے جانے کی وجہ سے غریب عوام کافی زیادہ پریشان ہے، لیکن کشتواڑ کے ایڈیشنل ڈپٹی کمشنر پاون پریہار کے مطابق آدھار کارڈ کی قیمت طئے شدہ ہے، اس کے باوجود اگر کوئی اضافی قیمت وصول کررہا ہے تو اس کی ہمیں اطلاع کریں، ہم اسکے خلاف سخت کاروائی کرینگے۔

دوسری طرف کشتواڑ سے سنتھن ٹاپ سڑک بند ہونے کی وجہ سے عوام کو کافی زیادہ پریشانیوں کا سامنا کرنا پڑرہا ہے۔

ایڈیشنل ڈپٹی کمشنر کشتواڑ پاون پریہار اس تعلق سے کہا کہ سنتھں ٹاپ سڑک بند نہیں ہے بلکہ کورونا وائرس کی وجہ سے اجازت نہیں دی جارہی تھی لیکن اب سڑک کو کھول دیا گیا ہے۔