کشتواڑ: درختوں کی کٹائی سے جنگل کو نقصان

کشتواڑ سے چند کلو میٹر کی دوری پر واقع علاقہ انجول تقریبا تین ہزار کی آبادی پر مشتمل ہے اور گاؤں کے نزدیک نرسری واقع ہے، جہاں چند سال پہلے محکمہ جنگلات کی جانب سے نرسری لگائی گئی تھی اور اس نرسری کو لگانے میں دس لاکھ کا خرچ آیا تھا۔ گذشتہ چند برسوں کے دوران اس نرسری کو ختم کر دیا گیا۔

محکمہ جنگلات کی جانب سے اس وقت محض سرکاری پیسے کو نکالنے کا کام کیا جا رہا ہے اور زمینی سطح پر نرسری کا کوئی فائدہ نہیں ہوا، جس کے سبب لاکھوں سرکاری روپے کا غلط استعمال کیا گیا۔

انجول کے لوگوں نے ڈویژن فاریسٹ آفیسر ڈوڈہ سے بار بار درخواست کی کہ انجول میں شجر کاری کی جائے لیکن ڈی ایف او ڈوڈہ جنگلات کو مزید بڑھانے میں ناکام ثابت ہوئے۔ لوگوں نے محکمہ جنگلات کے پرنسپل چیف کنزرویٹر جموں سے پر زور اپیل کی ہے کہ انجول کے جنگل کو بچانے کے ساتھ ساتھ شجر کاری کریں، جس سے آنے والی نسلوں کو پریشانی کا سامنا نہ کرنا پڑے۔