ضلع ڈوڈہ کے دچھن علاقے میں پہلی مرتبہ موبائل ٹاور نصب

عام طور پر انتخابات میں نمائندے سڑک، بجلی، اسپتال کی تعمیر اور نوجوانوں کو روزگار فراہم کرنے کا وعدہ کرکے لوگوں سے ووٹ حاصل کرتے ہیں، تاہم ضلع کشتواڑ میں ڈی ڈی سی نشست کے لیے انتخابات میں حصہ لینے والی خاتون امیدوار نے انتخابات سے قبل علاقے میں موبائل ٹاور نصب کرانے کا وعدہ کیا تھا۔ جو پورا کرکے دکھایا۔

پہاڑی ضلع ڈوڈہ میں ڈی ڈی سی ممبر پوجا ٹھاکر نے دچھن علاقے میں ایک نجی کمپنی کی جانب سے نصب کیے جارہے موبائل ٹاور کا افتتاح کیا۔ افتتاحی تقریب کے دوران ڈی ڈی سی ممبر نے کہا کہ ’’دچھن علاقے میں موبائل ٹاور نصب کیے جانے سے دچھن سمیت مڑواہ اور واڑون علاقے کے لوگ موبائل پر اپنے اعزاء و اقارب کے ساتھ فوج پر رابطہ قائم کرنے کے علاوہ ویڈیو کال بھی کرسکیں گے۔‘‘

قابلِ ذکر ہے کہ دچھن علاقے میں موبائل ٹاور نہ ہونے کے سبب یہاں کے لوگوں کو موبائل نیٹ ورک کے حوالے سے کافی دقتوں کا سامنا کرنا پڑرہا تھا۔

ڈی ڈی سی ممبر نے مزید کہا کہ موبائل ٹاور نصب ہونے سے علاقے کے طلبہ بھی آن لائن درس و تدریس سے استفادہ حاصل کرسکیں گے۔‘‘