جموں و کشمیر، ضلع کشتواڑ کے نائب کمشنر کمپلیکس میں آج نائب کمشنر کشتواڑ اشوک شرما کے ذریعہ 32واں روڈ سیفٹی ماہ 2021 کا آغاز کیا گیا، جس کا بنیادی مقصد عوام میں ڈرائیونگ کے تعلق سے بیداری پیدا کرنا، تاکہ زیادہ سے زیادہ لوگوں کی جانیں محفوظ رکھا جاسکے، اسی وجہ سے اس پروگرام کی تھیم (سڑک سرکشا جیون سرکشا) کے نام پر رکھا گیا۔ یہ پروگرام 17 جنوری سے لیکر 18 فروری تک جاری رہے گا۔
اس موقع پر کشتواڑ ڈی سی کمپلیکس سے بیداری ریلی بھی نکالی گئی، جو کہ کشتواڑ بس اسٹیند سے ہوتے ہوئے ہیڈیال چوک، سنگرام بھٹہ سے ڈی سی کمپلیکس تک پہنچنے کے بعد اختتام پذیر ہوئی، اور یہ پروگرام ایک ماہ تک کشتواڑ میں جاری رہے گا۔
نائب کمشنر کشتواڑ نے گاڑی چلاتے وقت سیٹ بیلٹ لگانے اور تیز رفتار گاڑی نہ چلانے پر زور دیتے ہوئے کہا کہ زیادہ تر اموات تیز رفتاری کی وجہ سے ہی ہوتا ہے۔ اس لیے تمام لوگوں کو سیفٹی کا خیال کرتے ہوئے گاڑی چلانی چاہیے۔
