ضلع وائناڈ کی سرحدیں کرناٹک کے دیہاتوں کےلیے کھلی رہیں گی۔ اگر کوئی طبی علاج یا کسی ہنگامی صورت میں وائے وائناڈ آنا چاہتے ہیں تو وہ آسکتے ہیں۔
ضلع کلکٹراڈیلا عبداللہ نے بتایا کہ کرناٹک کے گاؤں بیراکپا کےلوگ طبی سہولیات سے استفادہ کرنے کےلیے کیرالا آسکتے ہیں۔
ویاناڈ کے پیریکلور کڈاؤ اور کرناٹک کے بیراکپا گاؤں کے دونوں طرف دریائے کبانی ہونے کی وجہ سے یہاں کے لوگ مننتھاوادی ضلعی ہسپتال اور پلپلی کے ہسپتالوں پر انحصار کرتے ہیں۔
بیراکپا میں طبی سہولیات کا فقدان ہے جبکہ پلپلی اور مننتھاوادی یہاں سے بیس کیلومیٹر پر واقع ہیں جبکہ کرناٹک کا علاقہ میسور یہاں سے 80 کیلومیٹر دوری پر واقع ہے جہاں طبی سہولیات مہیا ہے۔
کرناٹک نے کورونا وائرس سے غیرمتاثر افراد کو کسرگوڈ سے منگلور جانے کی اجازت دی ہے۔
کرناٹک میں سرحدیں بند کرنے کے بعد کسرگوڈ کے لوگوں کو مشکلات پیش آرہی تھیں جبکہ سرحد بند ہونے کے بعد طبی سہولت نہ ملنے کی وجہ سے ایک شخص کی بھی موت ہوئی تھی۔
کرناٹک نے میسور۔وراجپاٹ۔کنور ہائی وےکو بند کردیا تھا۔ تاہم کیرالا ہائیکورٹ نے اس سلسلہ میں مرکزی حکومت کو مداخلت کرتے ہوئے بندشوں کو ہٹانےکےلیے کہا تھا۔
