ریاست کیرالہ کے وزیر اعلی پنارائی وجے کو ان کے خودمختار طرز عمل کی وجہ سے تنقید کا نشانہ بنانے والے حزب اختلاف کے رہنما پر ویجیلنس اور اینٹی کرپشن بیورو (وی اے سی بی) نے مقدمہ درج کیا ہے۔
دراصل انڈین یونین مسلم لیگ (آئی یو ایم ایل) کے رکن اسمبلی ایم شاجی نے وزیر اعلی پنارائی وجے پر طنز کرنے کے ایک دن بعد ویجی لینس اینڈ اینٹی کرپشن بیورو نے ان کے خلاف مقدمہ درج کیا ہے۔
انڈین یونین مسلم لیگ (آئی یو ایم ایل) کے رکن اسمبلی ایم شاجی کے خلاف شکایت درج کی گئی ہے کہ ' انہوں نے اپنے حلقہ میں ایک امدادی اسکول میں کورسز کی منظوری کے لئے 25 لاکھ روپے لئے تھے۔'
جمعرات کے روز ازیکوڈ حلقہ کے رکن اسمبلی نے وزیر اعلی پر 'سی ایم رلیف فنڈ' میں منمانی کرنے کا الزام آئد کیا تھا۔
انہوں نے اس معاملے پر کہا کہ ' 24 گھنٹوں میں سب کچھ بدل گیا۔ یہ 2014 کا معاملہ ہے، اسے 'وی اے سی بی' نے بند بھی کر دیا تھا۔ یہ سیاسی انتقام کے سوا کچھ بھی نہیں۔'
