کانگریس نے کیرلا کے پلکڑ ضلع میں دھماکہ خیز مادے سے بھرا ہوا پھل حاملہ ہتھنی کے کھانے سے اس کی موت کو غیر انسانی حرکت قرار دیتے ہوئے الزام لگایا کہ اس افسوسناک واقعہ کو بھارتیہ جنتاپارٹی فرقہ ورانہ رنگ دے رہی ہے۔
کانگریس جنرل سکریٹری کے سی وینو گوپال نے جمعرات کو ایک بیان میں کہا کہ واقعہ قابل مذمت ہے اور سبھی جانب سے اس کی مذمت کی جارہی ہے۔ جانوروں پر ہونے والی کسی بھی ناانصافی اور ظلم کو برداشت نہیں کیا جاسکتا۔
انہوں نے کہا کہ بی جے پی کی سینئر لیڈر مینکا گاندھی اور مرکزی وزیر پرکاش جاؤڈیکر جان بوجھ کر غلط اطلاعات پھیلا رہے ہیں۔ یہ لیڈر اسے ملا پورم کے واقعہ کے طور پر پیش کررہے ہیں جبکہ واقعہ پلکڑ ضلع کا ہے۔
کانگریس لیڈر نے کہا کہ بی جے پی کو مگرمچھ کے آنسو بہانے کے بجائے واقعہ کو فرقہ ورانہ رنگ دیئے بغیر مشروط معافی مانگنی چاہیے۔
