اس ضمن میں پیرومبور پولیس نے مقدمہ درج کرلیا ہے۔ پانچ افراد پر کیس درج کیا گیا ہے۔ اور اس معاملے کی تحقیقات شروع ہوگئی ہے۔
وزیراعلی نے کہا کہ"کیرالہ کبھی بھی ایسی جگہ نہیں ہوگی جہاں کسی بھی طرح کے جنونیوں کو پنپنے کاموقع ملے۔ آپ سبھی کو یہ یقین دلایا جارہا ہے کہ کوچی کے قریب فلم سیٹ کو تباہ کرنے والے تمام افراد کو قانون کے مطابق نمٹا جائے گا۔
انھوں نے کہا کہ اگر کوئی فلم سیٹ لگاتا ہے تو کیا غلط ہے؟ وجین نے کہا ، جیسا کہ ہم سب جانتے ہیں کہ کوویڈ ۔19 کی وجہ سے ، فلموں کی تمام شوٹنگز اچانک رک گئی تھی۔
وزیراعلی نے کہا کہ تشدد اور قانون کی خلاف ورزی کو برداشت نہیں کیا جائے گا۔
انتاراشٹریہ ہندو پریشد کے جنرل سیکریٹری ہری پلوڈے نے اپنے فیس بک اکاونٹ میں کہا کہ ان کی تنظیم اور بجرنگ دل نے ملکر فلم شوٹںنگ کے بنائے گئے چرچ سیٹ کو تباہ کیا ہے۔
اس کی تصویریں شیر کرتے ہوئے کہا کہ چرچ کا یہ سیٹ مندر کے سامنے بنایا گیا جس کے وہ خلاف ہیں اور اس لیے انھوں نے اسے توڑنے کا اقدام کیا۔
اس فعل کی مذمت کرتے ہوئے ، مشہور فلم ہدایتکار شاجی این کارون جو ترقی پسند کلا ساہتیہ سنگھ کے صدر بھی ہیں ، نے کہا کہ یہ اقدام کسی طور بھی قابل قبول نہیں ہے۔
انھوں نے کہا "کوویڈ-19 کے دوران، یہ جنونی افراد معاشرے میں متحد ہونے کے لئے ایک داغ ڈالنے کی کوشش کر رہے ہیں۔ اس کے علاوہ یہ اس وقت ہوا ہے جب فلم انڈسٹری اپنے مشکل ترین دور سے گزر رہی ہے۔ ہم مطالبہ کرتے ہیں کہ ان عناصر کے خلاف سخت کارروائی کی جائے۔ "
